The Glory of Hindu Sanskriti (Heritage)

A beautiful poem in Hindi that captures so succinctly the core of Hindu Sanskriti - symbolized here as a Vat-Vriksha (the Banyan tree).
Hindu Sanskriti Ke Vat Vishaal
Teri Choti Nabh Chooti Hai, Teri Jad Pahunch Rahi Paataal.
Hindu Sanskriti Ke Vat Vishaal. (1)

Jaane Kitne Hi Surya-yodaya, Madhyanh Asta Se Tu Khela
Jaane Kitne Toofano Ko, Tune Nij Jeevan Mein Jhela
Kitnee Kirnoan Se Lipati Hai, Teri Shakhayein Daal Daal.
Hindu Sanskriti Ke Vat Vishaal. (2)

Jane Kitne Priya Jeevoan Ne, Tujhme Nij Needa Basaya Hai
Jane Kitne Yaatri-Ganda Ne, Aa Rain Basera Paaya Hai
Kitne Sharnagat Pooj Rahe, Tera Udaartam Antaraal.
Hindu Sanskriti Ke Vat Vishaal. (3)

Kucch Dushtoan Ne Jad Bhi Khodi, Shakha Todi, Patte Kheenche
Phir Kayee Vidheshi Tattvoan Ke, Visha Se Jad Ke Tukade Seenche
Par Saphal Aaj Tak Nahin Hui, Un Moodh Janoan Ki Kutil Chaal.
Hindu Sanskriti Ke Vat Vishaal. (4)

An-Gin Shakhayen Badhati Hain, Dharti Me Mool Pakadti Hain
Ho Antar-vishta Samashti Sama, Ve Tera Poshan Karti Hain
Tujhme Aisee Hee Mil Jaati, Jaise Sagar Mein
Sarit Maal Hindu Sanskriti Ke Vat Vishaal. (5)

Unmukta Hua, Laharata Rah, Chaaya Amrit Barsata Rah
O, Jag Ke Priya Vat-vriksha Sada, Santaano Ko Sar Saata Rah
Jag Me Sab Se Unchaa Deekhe, Shraddha-spad, Tera Bhavya Bhal
Hindu Sanskriti Ke Vat Vishaal. (6)